Naya Ek Rishta Paida Kiu Karain Ham

"Naya Ek Rishta Paida Kyun Karein Hum
Bicharna Hai To Jhagra Kyun Karein Hum"


Naya Ek Rishta Paida Kyun Karein Hum
bichaRna hai to jhhagRa kyoN karaiN hum

khamoshi se ada ho rasm.e.duri
koi humgama barpa kyoN karaiN hum

ye kafi hai k hum dushman nahi haiN
wafa.dari ka da'awa kyoN karaiN hum

wafa, ikhlaas, qurbani, mohabbat
ab inn lafzoN ka peecha kyoN karaiN hum

suna daiN ismat.e.maryam ka qissa?
par ab iss baab ko waa kyoN karaiN hum

zulekhaa.e.azeezaaN baat ye hai
bhala ghaaTay ka sauda kyoN karaiN hum

hamari hee tamanna kyoN karo tum
tumhari hee tamanna kyoN karaiN hum

kia tha e'had jab lamhoN meiN hum nay
to saari umar iifa kyoN karaiN hum

nahi dunya ko jab parwah hamari
to phir dunya ki parwah kyoN karaiN hum

barehna haiN sar.e.bazaar to kia
bhala andhoN se pardah kyoN karaiN hum

haiN baashinday issi basti k hum bhi
so khud par bhi bharosa kyoN karaiN hum

paRi rehnay do insaanoN ki laashaiN
zameeN ka bojh halka kyoN karaiN hum

ye basti hai muslamaanoN ki basti
yahaN kar.e.maseeha kyoN karaiN hum

By John Elia


Want To Read More Classical Poetry of John Elia Click Here