Khulegi Is Nazar Pe Chashm-e-Tar Ahista Ahista

Khulegi is nazar pe chashm-e-tar ahista ahista
kiya jata hai pani main safar ahista ahista

koi zanjir phir wapas wahin par le k ati hai
kathin ho rah to chutata hai ghar ahista ahista

badal dena hai rasta ya kahin par baith jana hai
k thakta ja raha hai hamsafar ahista ahista

khalish k sath is dil se na meri jan nikal jaye
khinche tir-e-shanasai magar ahista ahista

hua hai sarkashi main phul ka apna ziyan, dekha
so jhukta ja raha hai ab ye sar ahista ahista

meri shola mizaji ko wo jangal kaise ras aye
hawa bhi sans leti ho jidhar ahista ahista


Want To Read More Classical Poetry of Parveen Shakir CLick Here