Kariya-e-jan main koi phul khilne aye
wo mere dil pe naya zakhm lagane aye
mere wiran darichon main bhi khushbu jage
wo mere ghar k dar-o-bam sajane aye
us se ik bar to ruthun main usi ki manind
aur meri tarah se wo mujh ko manane aye
isi kuche main kai us k shanasa bhi to hain
wo kisi aur se milne k bahane aye
ab na puchungi main khoye hue khwabon ka pata
wo agar aye to kuch bhi na batane aye
zabt ki shahar-panahon ki mere malik khair
gam ka sailab agar mujh ko bahane aye
By Parveen Shakir
gam ka sailab agar mujh ko bahane aye
By Parveen Shakir
No comments:
Post a Comment